Karam Ki Ik Nazar Hum Par Khudara Ya Rasool Allah Naat Lyrics
Karam ki ik nazar hum par khudara ya rasool allah
tumhein ho be-saharon ka sahara ya rasool allah
ghareebon key hain data, be-kason key aap wali hain
mohabbat aap ki dil mein hai lekin haath khali hain
idhar bhi apni rehmat ka ishara ya rasool allah
baney bighree humari hum bhi hain qismat key maron mein
tumehin ummat hai pyari aur tum allah key pyaron mein
bacha lo tootney sey dil humara ya rasool allah
ujalon ki tamana gham key andhyaron mein ley aai
humari bad-naseebi hum ko bazaron mein ley aai
para hai dekhna yeh bhi nazarä ya rasool allah
pukara hai maddad ko ya nabi hum be-gunahon ney
tumharey dar peh jaa kar bheek mangi badshahon ney
humein bhi aasra hai bas tumhara ya rasool allah..
